Organizata jonë organizon trajtimin e qenve të rrugës në Prishtinë përmes metodës KSVL, në mungesë të angazhimit komunal në këtë aspekt.

Duke parë këtë situatë shqetësuese, ku qenve në rrugë iu rrezikohet mirëqenia vazhdimisht, organizata jonë, me mbështetje financiare të organizatës “StrayCoCo”, do të kontraktojë veterinarin DMV Shefki Ajdini, për të bërë kastrimin dhe sterilizimin e njëqind (100) qenve në Prishtinë. Organizata jonë do të monitorojë këtë proces nga fillimi deri në fund, përgjatë të gjithë hapave duke përfshirë kapjen, kastrimin/sterilizimin, periudhën post-operacionale dhe lëshimin e qenve në vendin ku janë kapur.

Normalisht që ky numër nuk mjafton për të ndalur shumimet e qenve në rrugë, por duke parë mos angazhimin e institucioneve, si çdoherë tjetër, barra iu mbetet OJQ-ve dhe aktivistëve për ta kryer punën e zyrtarëve shtetërorë, të cilët paguhen me taksat e qytetarëve.

Kastrimi dhe sterilizimi i qenve të rrugës në këtë projekt do të fillojë me një sistem strategjik të zënies së qenve, duke filluar nga qendra (shkollat, qendrat shëndetësore, parqet) e duke u zgjeruar pastaj edhe përtej qendrës.

Kushdo që mendon të ndihmojë në projektin e kastrimit dhe sterilizimit, i lusim të dhurojnë në këtë llogari bankare:

Banka: NLB Bank, Prishtinë, Kosovë
Emri i mbajtësit të llogarisë: Per Kafshet
Nr i llogarisë: 17 01 017700005277
IBAN: XK05 1701 0177 0000 5277
Paypal: perkafshet@gmail.com

Ne e falenderojmë StrayCoCo dhe të gjithë ata që na mbështesin në këtë dhe projektet e tjera!